Світова здравотницька орґанізація в середу вырішыла покы непризначіти епідемію нового коронавірусу в Чайні і в дакотрых дальшых країнах за “став огрожіня общого здоровя меджінародных розмірів“. Інформувала о тім пресова аґентура DPA. Вірус, котрый выкликує сімптоны запаліня плюц, обявили насамый перед в Чайні, але голосили го і  в Японії, на Філіпінах, в Южній Кореї, на Тайвані, в Тайску і Сполученых штатох. Чісло смертности повязаного з даным вірусом ся звышыв на 17, причім за послідніх 24-годин ся чісло скоро здвократнило. (TASR, Pkf)