Чіна днесь вызвала на закончіня вшыткых ,,незаконных єдностранных“ санкцій проти Ірану. Увів то наместник чіньского міністра загранічных дїл Ма Чао-су по стрїчі зо своїма російскыма і іраньскыма колеґамі, Серґеём Ріабковом і Казімом Ґарібом Абадім, котрой темов быв іраньскый ядровый проґрам. Заступцёве троїцї штатів сі вымінили назоры на ядровый вопрос, діскутовали і о зрушіню санкцій, котры суть на Іран увалены про ёго ядровый проґрам. Подля сполочного выголошіня цітованого російсков аґентуров TASS, ся троїця представітелїв згодла на тім, же єдиным можным способом, як вырїшыти іраньскый ядровый вопрос, суть контакты і діалоґ заложены на взаємнім решпектованю інтересів.

(TASR, Шутіова)