Ческа републіка позаставила схвальованя жадостей Сірійчанів о азіл. Про сервер iDnes.cz то в понедільок потвердив чеськый міністер внутрішніх справ Віт Ракушан. Як інформовав, є звыком, же в припадах, коли приходить ку великій зміні обставин в країні, акутално Прага позаставила вырішованя жадостей гражданів Сірії о азіл в Чеській републіці, причім за його словами чісло Сірійчанів у Чеській републіці і жадостей о азіл є низке. Ракушан так само пояснив, же в тій хвілі скоріше моніторують і оцінюють сітуацію і Прага буде реаґовати подля актуалной сітуації. Чеськый премєр Петр Фіала в понедільок в реакції на діяня в Сірії повів, же про Чеську републіку і цілу Европу з того выходять безпечностны різіка, з котрыма треба раховати.

(Медвідь, TASR)