Чехія ріхтує ся на екстремны опады і заливы, перед котрыма метеоролоґове вчера публіковали на найближшы дні найвысшый ступінь варованя главні на выході країны. Подля міністра жывотного оточіня Петра Гладіка загрожує подобна сітуація як  в роках 1997 і 2002, кедь Чехію постигли розсяглы заливы. Міністер внутра Віт Ракушан жытелям рекомандує, абы приправили собі евакуачны куфры. Увели то на сполочній пресконференції. Як дале додав, же сітуація буде важна нелем про великы множества опадів, але і про сильный вітор, котрый може досягнути скорость аж 100 км/год. (TASR, Pkf)