Чеська република собі буде 21-ый авґуст офіціалні припоминати як День памяткы жертв інвазії в 1968-ім року і наслідні окупації войсками Варшавского договору. Сенат Парламенту ЧР то одобрив в рамках новелы закона о штатных святах. Новелу, котру предложыло 90 посланців зо вшыткых клубів окрім Комуністичной партії Чех і Моравы достане на підпис презідент Мілош Земан. Ніч з 20-го на 21-го авґуста 1968, кедь до тодійшньой ČSSR вторгли войска Варшавского договору, належала за словами предкладателів к найтраґічнішым датумом модерной ческословеньской історії (TASR, Pkf)