Чеська влада поволила од 11. мая выконаваня сполоченьскых, шпортовых і културных подій до 100 участників. Отворять ся так театры, кіна ці ціркусы. По рокованю влады то выголосив міністер здравотніцьтва Адам Войтєх. Інформовав о тім справодайскый портал Noviny. cz. Од 11. мая ся будуть мочі одбывати і свадьбы з участёв до 100 людей. Влада тыж схвалила, же до школ ся можуть од 11. мая вернути шкоярї девятых рочників основных школ, жебы ся могли приготовлёвати на приїмачі скушкы.  Таксамо буде поволена і наука в ґрупах максімално 15 особ і на высокых школах. До школы бы ся мали вернути тыж школярї послїднїх рочників середнїх школ, конзерваторій і высшых одборных школ.

(TASR, Шутіова)