Ческый міністер праці і соціалных справ Петер Кырчал вчера ознамив свою резіґнацію. Кырчал противостоїть подозріню, же ся допустив плаґіяторства у своїй бакаларьскій роботі, інформувала о тім пресова аґентура ТАСР. Кырчала бы мала замінити Яна Малачова, котра того часу тыж робить на міністерстві праці і соціалных справ. Кырчал абсолвував Інштітут меджіодборовых штудій Універзіты Томаша Батю в Злині, де в року 2007 обгаїв бакаларьску роботу на тему Молодеж і волный час. Єй часті суть шак за інформаціями серверу Сезнам Справы, котрый ся одкликавать на проґрам на одгалюваня плаґіятів, згодны з перед тым обгаєнов роботов. Тоты часті Кырчал говорячі у своїй бакаларьскій роботі скопіровав без уведжіня цітації.
(TASR)