Югокорейскый выробця пневматик Nexen Tire открыв вчера в промысловій зоні Triangle при чеськім Жатці свій першый завод в Европі. До кінця того рока бы мав завод выехпедовати 3 міліоны пневматик, до року 2022, кедь ся предпокладать скінченя другой і послідньой етапы выставбы, шак Nexen планує досягнути выробну капаціту аж 11 міліонів стук річно. Компанія в Чехії хоче цалково інвестувати вецей як 851,26 міліонів евра. Вышков інвестиції ся так югокорейска компанія вчленює на попередніх місцях меджі інвесторами в послідніх роках. В заводі покы нашло роботу 800 людей. До кінця того рока бы в нім мало найти роботу дальшых 50 людей а поступово бы ся чісло робітників завода мало звышыти на 1300. (TASR, Пкф)