Чехія завіслости од російской ропы збуде ся найпізніше до половины слідуючого року. Термін залежыть од докінчіня розшыріня Трансалпіньского роповоду (TAL). Наслідно пожадать о зрушіня вынятку на довоз російской ропы. У віторок о тім інформовав чеськый премєр Петр Фіала. Председа чеськой влады повів, же в Австрії почали роботы на розшыріню капаціты роповоду TAL, де прибудуть штири новы черьпадла, і тым ся по 60 роках збуде Чеська републіка завіслости од російской ропы, што посилнить безпечность. Проєкт TAL-PLUS буде подля нього в практіці значіти, же Чеська републіка буде годна довезти о штири міліарды тон ропы за рік веце западнов путьов. Тым буде Чехія способна цалком вычеряти ропу, котра іде роповодом Дружба.

(Медвідь, TASR)