Франція одниме сірійскому презідентови Башарови Асадови свою найвысшу честну нагороду, Орден честной леґії. Дісціплінарьный процес в тій справі вже зачав, інформовав у понедільок денник Le Figaro, з одкликаньом ся на презідента Емануела Макрона. Франція обвинює Асада із хоснованя хемічных збрані проти цівілістів у обчаньскій войні. Нагороду уділив Асадови бывшый французькый презідент Жак Шірак у 2001-ім році, коли Асад перевзяв власти в державі по своїм вітцьови, котрый умер. Франція надіяла ся втогды на то, же принесе позітівны зміны в державі. Орден честной леґії, котрый завів Наполеон Бонапарте іщі як першый конзул 19-го мая 1802-го року, є найвысшов державнов нагородов, котра уділює ся за цівілны і воєньскы заслугы.
(TASR)