Франція закаже в школах носіня цілотілового шматя – абая, котре собі облікають многы мослимскы жены. Ознамив то францюзькый міністер школства Ґабріел Аттал з тым, же споминане шматя порушує строгы секуларны законы аплікованы  в едукачнім сістемі країны, пише аґентура AFP. Заказу передходили довгы діскусії. Просаджували го главні правіцовы і країні правіцовы партії, покы ліве крыло твердило, же засягує до обчаньскых слобод єднотливців. (TASR, Pkf)