Предсидателька Европской комісії Урсула фон дер Леєнова в понедільок высловила ся за досліднішу коордінацію народных наряджінь членьскых країн Европской унії в боротьві проти коронавіруса. Звернула увагу, же много народных влад в остатніх місяцях запровадило обмеджіня подорожіня, што вело ку далшым рештрікціям. Припомянула, же в країнах Унії існують різны фаребны коды в повязаню з епідеміолоґічнов сітуаційов, різны крітерії і різны правила тестованя і карантены. „Мусиме тоты наряджіня коордіновати і полегшати Европанам жывот,“ повіла шефка еврокомісії і припомянула, же комісія і зато недавно дала пропозіцію, котрой приятя народныма владами принесе людям веце ясности.

(Медвідь, TASR)