Німецька автомобілка Фолсваґен планує зредуковати свою европску сіть дістрібуторів і завести онлайн продаї. Як увела, поводжіня заказників ся мінить і сполочність на то мусить реаґувати. Фолсваґен ся снажыть понижыти выдавкы в рамках вшыткых значок, котры під концерн патрять, к чому фірму тискають высокы выдавкы повязаны с рішеням емісного шкандалу. Як увів шеф збыту значкы Фолсваґен Юрґын Штакман, найновшым кроком планує фірма звышыти профіт і ефектівіту свойой европской дістрібучной сіті, котру творять коло 3000 дістрібуторів.
(Петро Кімак-Фейко)