Жытелі Швейцарії в недільнім референдумі значнов векшынов голосів підпорили пропозицію на заведжіня 13-ой пензії про сеніорів. Вопрос о піднятю пензійного віку на 66 років воличі єднозначно одмітли. Подля аґентуры Reuters то выходить з дочасных выслідків опублікованых владов Швейцарії. За пропозицію о аплікації додаточной пензії, котру просаджували одборы, ся подля выслідків высловило 58 процент участників, покы 42 процент голосувало проти. Здружіня пенсіонерів AVIVO привітало тот крок як “історічну перемогу“ в часі, кедь популація в Швейцарії старіє і противостоїть жывотному келчіку. Проти пропозиції ся поставила федерална влада, подникательскы лоббі ґрупы і парламент. Арґументують тым, же іде о фінанчно неутримательне опатріня. (TASR, Pkf)