У віторок ся заперли кандідачны спискы про друге коло парламентных волеб у Франції, причім одступило понад 200 кандідатів. Іде головно о кандідатів лівіцьовой аліанції Новый людовый фронт і центрістів презідента Еммануела Макрона. У своїм волебнім окрузі дали підпору кандідатови, котрый має векшу шансу перемочі кандідата з евроскептічного Народного здружіня. Є меджі нима і дакілько міністрів владного кабінету. Подля французького денника Le Monde одступило приблизно 218 кандідатів, з них было 130 лівіцьовых і 82 із центрістічного блоку Вєдно, котрый веде Макрон.

(Медвідь, TASR)