Участь на венезуелскых выборах до Конштітучнодарьного згромаджіня была подля медій низка. Так то видить і опозіція. Дакілько годин перед закінчіньом выборів, котры проходили в неділю, были пункты голосованя майже порожні. В дакотрых было лем дакілько десяток людей, хоць в попередніх выборах до парламенту, котрый має під контрольов опозіція, ся в тых самых місцях творили довгы шоры. Дакілько пунктів, де жыють прихильници опозіції, было цалком запертых. Люди якбач выслухали апелацію опозіції, жебы не ішли голосовати і бойкотовали выборы, котры выдумав презідент Мадуро, якый хоче в державі змінити конштітуцію і вытворити авторітатівный режім. Влада бісідує, же у выборах до паралелного парламенту брало участь 41,5 процента воличів, опозіція бісідує о 12-ох процентах. Опозічны політіци вже скликують протесты.
(Петро Медвідь)