Членьскы державы Европской унії схвалили в понедільок нову оборонну стратеґію, котра обсягує і вытворіня такзваных сил скорой реакції із 5000 вояками. План приготовльовав ся два рокы, на остатню хвілю робили ся зміны в дослідку російской інвазії на Україні, пише аґентура AFP. Подля шефа діпломації Европской унії Жосепа Боррелла не є нова стратеґія „одповідьов на войну на Україні, але лем частьов той одповіді.“ Боррелл додав, же кедь єй представителі Унії зачали робити, не знали собі ани представити, як плана буде сітуації в моменті схвальованя, і яке велике огрожіня буде мати перед собов Европа. Цільом схваленого стратеґічного компасу є зробити з Унії міцнішого і способнішого охранцю безпечности, інформовала Европска унія у выголошіню.

(Медвідь, TASR)