Членьскы країны ЕУ в понедільок, затля на уровни послів, вырішыли, же зачнуть довгый процес розпозераня жадостей о членство, котры по російскій інвазії на Україну передложыли Україна, Ґрузія і Молдавія. Інформацію потвердила і французька презідія в Раді ЕУ. Послове вызвали Европску комісію, жебы перед припадным офіціалным уділіньом штатуту кандідатьской країны передложыла ку каждій з тых держав своє становиску. То лем першый крок, котрый може тырвати і дакілько років. Пак мусять вшыткы членьскы державы дати згоду на штатут кандідатьской країны, і в припаді згоды ся зачне далшый довгый процес глубокых реформ і меджівладных конференцій о одкрываню і запераню приступовых капітол, што звычайно тырвать найменше 10 років.

(Медвідь, TASR)