Шефка европской діпломації Кая Калласова в понедільок інформовала, же ведучій делеґації Европской унії про Сірію прийде до сірійской столиці Дамаск, жебы там їднав з новым веджіньом країны. Ведучім делеґації є німецькый діпломат Міхаел Онмахт, пише аґентура AFP. О Сірії і можливостях співпраці з новым веджіньом в понедільок бісідовали в Бруселі і міністры загранічных діл членьскых країн Европской унії. Членьскы країны Унії, подобно як іншы западны країны, суть односно нового веджіня Сірії осторожны, кедьже ісламістічна Орґанізація про ослободжіня Леванты має свої коріня в ал-Каіда, і веце влад єй має записану на списку терорістічных ґруп.

(Медвідь, TASR)