Европска унія одсудила в понедільок рішіня Великобрітанії не уділити послови Унії повный діпломатічный статус. Єдночасно знова апеловала на брітаньску владу, жебы Жоаови Вале де Алмеідови і його тіму зо Сталого представительства Европской унії уділила вшыткы права записаны в меджінароднім договорі о діпломатічных односинах. Інфомровала о тім аґентура Associated Press. Подля европского шефа діпломації Жосепа Боррелла є неприятельне, жебы Великобрітанія была єдинов країнов на світі, котра не признавать делеґацію Унії як еквівалент діпломатічной місії. Лондон арґументує, же Унія є орґанізація, не держава, зато їй послови не належать єднакы права як діпломатам окремых держав.

(Медвідь, ТASR)