Европска комісія в понедільок інформовала, же прияла рішіня о рівноцінности діґіталных цертіфікатів COVID-19 выданых Ватіканьсков містьсков державов і Сан Маріном. В практіці то значіть, же обидві мініатурны країны будуть перепоєны зо сістемов Унії і цертіфікаты COVID-19 нима выданы будуть акцептованы при єднакых условіях як діґіталны цертіфікаты решты членьскых держав Европской унії. Так само Ватікан і Сан Маріно про вступ на їх теріторію будуть акцептовати ковід паспорты Унії. Еврокомісар про справедливость Дідіер Рейндерс высловив спокійность, же далшы країны вырішыли імпементовати сістему основану на діґіталнім цертіфікаті Унії о хвороті COVID-19.

(Медвідь, TASR)