Універзіта Карлова в Празї ся зась достала до першой стовкы найлїпшых европскых высокых школ. В престіжнім меджінароднім порівнаню QS World University Rankings: Europe 2024 скончіла в конкуренції скоро 700 школ на 79. місцї, што  є о сім місць высше як влони. Є найлїпшов высоков школов у выходній Европі. УК сі в рамках єднотливых крітерій полїпшыла головно в области меджінародной дослїджовательской кооперації, де підскочіла о 17 місць на 35. місце, а тыж в области штудентів приятых в рамках меджінародной мобіліты. Подля ребрічка на школї штудує веце як 11.000 загранічных штудентів.

(TASR, Шутіова)