Україньскый презідент Володимир Зеленськый одкликав в неділю з функції шефа Україньской безпечностной службы (SBU) Івана Баканова і ґенералну прокураторку Ірину Венедіктовову. Пресаґентура TASR о тім інформує на основі справ аґентур Reuters і AP. Рішіня о одкликаню Баканова і Венедіктововой, котра вела досліджуваня войновых злочінів чіненых російскыма силами на Україні, были в неділю вечур опублікованы на офіціалній інтернетовій сторинці україньского презідента. Зеленскый пізніше в  статі на соціалній сіті Телеґрам увів, же споминаных двох высокопоставленых представителів одкликав, протоже много робітників їх урядів колаборує з Русами. (TASR, Pkf)