Україньскый міністер внутрішніх справ Арсеній Аваков выголосив, же в припаді, кедь буде за нового презідента Інтерполу выбратый представитель Росії, Україна буде роздумовати о позаставліню свого членства в тій меджінародній поліцайній орґанізації. Інформацію принесла аґентура УНІАН. Єден із двох кандідатів на посаду презідента Інтерполу в слідуючіх вольбах є Росіян Александер Прокопчук, сучасный віцепрезідент орґанізації. Голосовати о новім презідентови буде вшыткых 192 членьскых держав. Кандідат із Росії може стати ся презідентом наперек тому, же Москва має на собі обвиніня, же має знеужывати орґанізацію на пронаслідованя політічных опонентів. Другым кандідатом є Кім Чонґ-янґ із Южной Кореї, котрый є урядуючім презідентом.
(Медвідь, TASR)