Україна контролює коло 1000 км квадратных російской теріторії, інформовав у понедільок головный командант україньскых озброєных сил Олександр Сірскый, котрый ся ку україньскій інвазії до російской Курской области высловив першый раз, пише аґентура Reuters і AFP. Сірскый інформовав, же операція україньской армії в Курскій области продовжує. Відеозапис його выголошіня о сітуації в російскім пригранічнім реґіоні публіковав україньскый презідент Володимір Зеленьскый. Зеленьскый єдночасно повів, же нарядив приправу „гуманітарного плану“ про тоту область.

(Медвідь, TASR)