До Києва прилетіло в понедільок з Кітаю україньске воєньске летадло з охранныма масками, тестами і плюцныма вентілаторами, котры мають помочі Україні в боротьбі проти коронавірусу. Оголосив то уряд україньского презідента Володиміра Зеленьского, з котрого выголошіня цітовала аґентура AFP. Україна дотеперь потвердила 73 припадів хвороты COVID-19 і трьох мертвых. Векшыну припадів евідують в Києві. Україньске міністерство здравотницьтва уж перед часом остерігало перед недостатком вентілаторів на одділінях інтензівной старостливости в шпыталях. Україна в рамках намаг заставити пошырьованя вірусу заперла минулый тыждень свої граніці, заперты суть бары, рештаврації, накупны центры і в дакілько містах включно Києва не ходить ани метро.

(Медвідь, ТASR)