Україна стане членьсков державов НАТО за помочі Акчного плану членства, потвердили то в понедільок на саміті в Бруселі лідры челньскых держав Аліанції. Інформовала о тім аґентура УНІАН. Подля ньой ся в комунікаті шефів держав і влад 30-членной Аліанції пише, же лідры повторяють рішіня прияте на саміті в Букурешті в році 2008, подля котрого Україна стане членом НАТО з Акчным планом членства як неоділительнов частьов процесу. Лідры НАТО підтримують право Україны вырішовати о властній будучности і прямованю загранічной політікы без вонкашніх засягів. Україна бы подля приятого комунікату мала на досягненя свого ціля імплементації прінціпів і штандардів НАТО повно выужывати вшыткы інштрументы доступны в рамках Комісії НАТО-Україна. Акчный план є першым кроком ку досягненю членства в НАТО.

(Медвідь, TASR)