Тісячі людей в середу протестовали в ґреческій столиці Атены і в далшых містах проти плану тамтешньой влады запровадити повинну вакцінацію проти хвороты COVID-19 про вшыткых здравотницькых робітників. В предвечур парламентного голосованя о владнім наряджіню мали протестуючі транспаренты з написами „Ніт повинній вакцінаці“ ці „Слобода“. Махали і ґреческыма флаґами, появили ся і православны кресты а іконы. Поліція інформовала, же в Атенах демонштровало коло 3000 людей. Поліцайты хосновали і водны каноны ці ґаз на розогнаня ґрупы приблизно 120 маскованых людей, котры на поліцайтів метали фалшкы і іншы предметы.

(Медвідь, TASR)