Председа Европской рады і бывшый польскый премєр Доналд Туск не буде кандідовати в презідентьскых вольбах в Польщі, котры будуть проходити в році 2020. Інформовала о тім аґентура Associtated Press по тім, што то Туск повів про польскы телевізії в Бруселі. Додав, же у вольбах підпорить кандідата опозіції, котрый ся поставить проти сучасного презідента Анджея Дуды, якый є кандідатом владной партії Право і справедливость – головного політічного рівала Обчаньской платформы, котру даколи вів якраз Туск. Тускова влада была повязана з господарьскым роснутьом і зліпшованьом іміджу Польщі в загранічу, но і з непопуларныма кроками, наприклад піднятьом віку одходу до пензії, што вже сучасна влада зрушыла.

(Медвідь, TASR)