Про Турцію не приходить до увагы, жебы підпорила економічный план про Палестінчанів, котрый минувшый тыждень оголосила влада Споєных штатів. Подля цітату публікованого в понедільок то повів турецькый презідент Речеп Таїп Ердоґан, інформовала аґентура AFP. Ердоґан є обгайцьом палестіньской справы, не є согласный ани з рішаньом Вашінґтону перенсти свою амбсаду до Єрусалима. Споминаный план рахує з інвестіціями почас слідуючіх 10-ох років в сумі 50 міліард доларів на хосен Палестінчанів жыючіх прямо на палестіньскых теріторіях або в навколішніх країнах. Палестіньска самосправа і рух Гамас так само не хотять тот план, беруть то як пробу, жебы ся зрекли претензій на властну державу.

(Медвідь, TASR)