Турція уже в близкій будучности не мусить быти членом Североатлантічной аліанції. Подля турецького радника презідента Речепа Таїпа Ердоґана пришов час, жебы Турція переоцінила своє членьство в блоці. Ялчін Топчу, котрого слова в понедільок цітовав денник Cumhuriyet і далшы турецькы медії, то повів почас навщівы в казашскім головнім місті Астана. Його слова пришли лем пару днів по тім, як Турція стягла 40 вояків із маневрів аліанції в Норвеґії. Причінов мало быти, же портрет основателя модерной турецькой державы Мустафу Кемала Ататурка і мено сучасного презідента были почас маневрів на фіктівнім „списку неприятелів“. Детайлы коло інцідента суть неясны, но ґенералный секретарь аліанції Єнс Столетнеберґ ся вже за то оправдав. Турція то бере за найвекшый шкандал в історії NATO.
(Петро Медбідь)