Головный выїднавач російской делеґації на мірных їднанях з Українов Владимір Мединьскый по понедільковім третім колі выїднавань повів, же в рамках політічного рішіня сітуації на Україні не дішло ку жадному проґресу. Высловив надію, же далше коло бы могло быти продуктівніше, і же Росія днесь уможнить гуманітарны корідоры. Україньске Міністерство загранічных діл наопак обвинило Росію з того, же наперек обіцянкам корідорів і заставліня стріляня продовжовала в острільованю україньскых міст, включно Києва. Так само Київ крітіковав, же дакотры корідоры ведуть до Білоруси або Росії. Росія подля вчерашніх інформацій має ку закончіню войны пожадавкы, котрыма є признаня російской сувереніты над Кримом і припознаня з боку Україны сепаратістічных реґіонів за незалежны державы.

(Медвідь, TASR)