Презідент Споєных штатів Америкы в понедільок выголосив, же ся із російскым презідентом Владиміром Путіном „правдоподобно“ не стрітить, кедь кінцьом того тыждня прийде до Паріжа, но зыйде ся з ним на саміті світовых лідрів ґрупы G20 тот рік в Арґентіні. Інформовала о тім пресова аґентура Associated Press. Радник Білого дому про народну безпечность Джон Болтон передтым говорив, же Трамп із Путіном стрітить ся тот тыждень в Паріжі, де будуть святкованя сторічніці підписаня переміря, котре значіло конець Першой світовой войны. Трамп при одході на згромаджіня перед днешніма выборами до Конґресу повів новинарям, же не є собі істый, ці паріжскы святкованя суть добрым місцьом на стрічу з російскым презідентом.
(TASR, Медвідь)