Америцькый презідент Доналд Трамп хоче мати в Европі міцнішу армію, котра бы была противагов Москвы. Выходить то із пропозіції розрахунку на слідуючій рік, котру Білый дім в понедільок передложыв америцькому Конґресу. Документ пропонує на рік 2019 про америцьке Міністерство обороны 686 міліард доларів, што є о 80 міліард веце як в році 2017. Інформовала о тім аґентура Associated Press. За думками аналітіків і представителів міністерства то є повязане із намагами Білого дому знеохотити од можливой атакы Росію і Северну Кореу. Із пропонованого бюджету має іти веце як 6,3 міліарды на проґрам під назвов Европска знеохочуюча ініціатіва. Пропозіцію розрахунку на рік 2019 мусить іщі схвалити Конґрес. Їднаня будуть подля америцькых медій мінімално так складны як тоты, котры проходили коло тогорічного розрахунку.