Северна Кореа ся намагать розвивати збрані, котры будуть способны забити міліоны Америчанів, повів у понедільок в рамках презентованя новой безпечностной стратеґії америцькый презідент Донал Трамп. Подля Трампа в сучаснім світі проходить змаганя, в кторім ся Споєны штаты будуть рядити геслом його презідентьской кампані з року 2016 „Америка на першім місці“. Частьов стратеґії має быти і мур, котрый хоче Трамп збудовати на граніцях меджі Споєныма штатами і Мексіком, ці далшы крокы заміряны на обмеджіня приселенецьтва.
(Петро Медвідь, TASR)

Фото: TASR/AP