Новозволеный америцькый презідент Доналд Трамп в понедільок выголосив, же бы хотів бісідовати з російскым лідером Владиміром Путіном і україньскым презідентом Володиміром Зеленьскым о закінчіню войны на Україні. Повів, же го знепокоюють знимкы проливаня кровли з того конфлікту, інформує аґентура Reuters. „Мусить ся то заставити,“ повів Трамп перед новинарями у своїй резіденції Мар-а-Лаґо. На вопрос, ці собі думать, же бы Україна мала в рамках выїднаваня о закінчіню войны одступити теріторію Росії, Трамп прямо не одповів. Повторив, же хоче войну закінчіти скоро, але о детайлах высловльовав ся стримано.

(Медвідь, TASR)