Америцькый презідент Доналд Трамп в середу інформовав, же мав „барз добру телефонічну дебату“ з україньскым презідентом Володимиром Зеленським. Велика часть дебаты, котра тырвала коло годины, была повязана з вызвов на згоду претензій і потреб Росії і Україны, додав Трамп в статусі на своїй соціалній сіті Truth Social. Тота вызва взышла з дебаты меджі Трампом і російскым презідентом Владіміром Путіном, котра ся одбыла у вівторок, припомянула аґентура Reuters. Трамп доповнив, же пожадать міністра загранічных справ США Марка Рубіа і порадцю про народну безпечность Майкла Вальца, абы выпрацовали конкретный опис пунктів діскусії зо Зеленськым. Тото выголошіня подля америцького презідента опублікують занедовго. Аґентура DPA припомянула, же ішло о першый особный контакт Трампа і Зеленського од розірваня, ку котрому дошло 28-го фебруара під час навщівы україньского презідента в Білім домі. (TASR, Pkf)