Америцькый презідент Доналд Трамп вчера у Вашынгтоні оголосив запроваджіня 25-процентного міта на вшыткы автa, котры не были выроблены на теріторії Сполученых штатів. Інформують о тім світовы агентуры. Діяти будуть од 2-го апріла, конкретізував Трамп. Міта мають односити ся на готовы авта, але не на його часті, пишуть америцькы новинкы The Washington Post. Дальшы міта мають быти оголошены в далшім тыждні. Білый дом твердить, же тот крок підтримує домашню выробу. Міта про автомобіловый промысел буде дальшым ударом про фірмы у тій області, котры уж противостоять неістоті і попередній вовні  міт. Окрім автомобілового промыслу, Трамп планує тыж великы міта про такы області, як фармацеутічна і напівпровідникова промысловость. (TASR, Pkf)