Номінант америцького презідента Доналда Трампа на пост вельвысланця в Южній Кореї, Гері Геріс у четверь на схвалёвачім гірінґу повів, же Споєны штаты і Южна Корея бы мали позаставити великы взаємны воєньскы цвічіня, жебы зістили, ці то Северна Кореа на челї з Кім Чонґ-уном думать з діалоґом і рокованём важнї. Геріс о позаставлїню америцько-южнокорейскых воєньскых цвічінь бісїдовав у звязї зо самітом презітента Трампа і северокорейского водцу Кім Чонґ-уна, котрый ся одбыв 12. юна в Сінґапурї. На стрїтнутю ся добісїдовали на пеебудованю односин меджі Вошінґтоном і Пхёнґянґом посередніцьтвом цїлковой денуклеарізації Корейского півострова вымінов за беспечностны зарукы Споєных штатів.
(TASR)