Мілітантный рух Талібан “цалком оволодів“ послідню одбойну афґаньску провінцію Панджшір, увів то днесь у выголошені говорця даного мілітантного руху Забігуллаг Муджагід. Інформувала о тім аґентура AFP.  Муджагід додав, же дакотры бойовници протіталібаньского фронту народного одбоя “были переможены, при чім  звышні з провінції втекли“, пише аґентура TASS. Єдночасно обывателів даной провінції убезпечив, же Талібан ся їм небуде мстити.  Завдякы даній перемозі ся в нашій країні скінчіла война, додав Муджагід. (TASR, Pkf)