Польскый міністер загранічных діл Радослав Сікорьскый в понедільок телефоновав із окремым послом презідента США Доналда Трампа про Україну і Росію Кейтом Келлоґґом. Темов были переговоры Споєных штатів і Україны, котры днесь проходять в Саудській Арабії. Подля говорцю резорту Павла Вроньского Сікорьскый і Келлоґґ згодили ся, же мір на Україні, котрый є цільом переговорів, мусить быти справедливый. Далшы детайлы розговору міністерство не публіковало. Курто по нім Сікорьскый інформовав о проходжіню розговору україньского міністра загранічных діл Андрія Сибігу. Переговоры меджі Українов і США проходять в єднакім форматі і на єднакім місці як фебруарова стріча меджі америцькыма і російскыма делеґаціями, причім Москва тот раз не бере участь.

(Медвідь, TASR)