США: Ізраїль досягнув векшыну своїх воєньскых цілів в Пасмі Ґазы
Сполучены штаты по представліню пропозиції на переміря в Пасмі Ґазы надале жадають Ізраїль, абы тамтешню войну скінчив. Подля Вашінґтону уж в Пасмі Ґазы досягнув векшыну своїх воєньскых цілів, інформує о тім аґентура DPA. Як дале увели, же рух Гамас мать правда фурт воєньскый потенціал і надалей є загрожіньом про Ізраїлчанів, немать уж але ниякы воєньскы средства на розсяглый атак, котрый выконав минулый рік 7-го октобра. Біден в пятницю неочіковано представив конкретну пропозицію на переміря в Пасмі Ґазы, з котрым подля Вашінґтону Ізраїль быв согласный. Повів тыж, же є час дану войны скінчити. Ізраїльске веджіня повторюючо декларує, же война в Ґазі ся скінчить аж втогды, кедь досягне вшыткы свої цілі, ку котрым патрить знічіня Гамасу. (TASR, Pkf)
-
Назад / Nazad Силны доджі в Німецьку были причінов великых залив на югу країны
-
Далше / Dalše Сійярто: Іщі не знаме, хто піде на мірну конференцію