Споєны штаты высловили знепокоїня над складом новой дочасной афґаньской влады, котру у віторок представив Талібан. Вашінґтон підкреслив, же владу талібів будуть посуджовати подля чінів, інформовала в середу аґентура AFP. Як повів говорця америцького міністерства загранічных діл, публікованый список мен членів влады є лем з членів Талібану або їх близкых співпрацовників, і не суть там жадны жены. Знепокоїня за його словами выкликують і контакты а минулость дакотрых членів владного кабінету.

(Медвідь, TASR)