Споєны штаты америцькы понижать максімалне чісло утеченців, котрых приймуть в надходячім фішкалнім року, на 45 000, інформував о тім вчера америцькый резорт діпломації. Іде о вызнамне пониженя в порівняні із 100 000 утеченців, котрых хотів прияты у фішкалнім року 2017 бывшый презідент Барак Обама. Сучасный шеф Білого дому Доналд Трамп ся снажыть приїманя утеченців обмежыти, припоминать аґентура ДПА. І тото нижше чісло про фішкалный рік, котрый ся зачинать 1.октобра, іші фурт представує на основі штатных урадників щедрый проґрам приїманя утеченців, кедь Канада привітать в будучім року 25 000 утеченців а Австралія приближно 18 000.
(Петро Кімак-Фейко)