Представителі Споєных штатів і Росії будуть 10-го януара вести довгоочекованы білатералны їднаня заміряны на контролю ядровой зброї і роснучі напругы односно Україны. Аґентурі AFP то повів неменованый говорця америцькой Рады про народну безпечность. Говорця так само потвердив інформації, подля котрых ся наслідно стрітять представителі Росії і НАТО, а о день пізніше буде Москва їднати з Орґанізаційов про безпечность і співпрацу в Европі, котрой членом суть і Споєны штаты. Стріча 10-го януара одбуде ся в рамках ініціатівы Стратеґічный безпечностный діалоґ, котру на своїм юновім саміті в Женеві ініціовали америцькый презідент Джов Байден і його російскый колеґа Владимір Путін.

(Медвідь, TASR)