Шеф російской діпломації Серґей Лавров зрушыв свою днешню навщіву Сербії по тім, як околіты країны заперли свій воздушный простор про летадло, котрым мав прилетіти до Белеграду. Інформував о тім в ночі на понеділок денник The Guardian з одкликаням ся на справы російскых і сербськых медій. Аґентура Інтерфакс у данім звязку цітовала неназваного высокого представителя міністерства заграничных справ в Москві, подля котрого Булґарія, Северна Мацедонія і Чорна Гора, то значіть сусідні країны Сербії, авізували, же Лавровово летадло непущать до свого воздушного простору. Ку зрушіню навщівы Лаврова в Белеграді бы ся мав днесь вечур у выступліню к народу высловити серьбскый презідент Александер Вучіч, авізували містьстны медія. (TASR, Pkf)