Польскый найвысшый суд в понедільок потвердив платность зволіня Андржея Дуды за презідента Польщі. Інформовала о тім телевізія TVN24.pl, причім додала, же інавґурація Дуды до уряду презідента буде у четверь. Друге коло презідентьскых волеб в Польщі проходило 12-го юла, Дуда в нім выграв над пріматором Варшавы Рафалом Тжасковскым. В неділю вечур найвысшый суд іщі занимав ся майже 6000 скаргами на волебный процес, за оправданы признав лем менше як сто з них. Їх оправданя не має вплив на резултаты. Фаховці вказують на то, же в припаді тогорічных волеб было на найвысшый суд поданых омного веце скарг як в іншых вольбах. Опозіція бере презідентьскы вольбы за несправодливы.

(Медвідь, TASR)