В днях 13-го аж 14-го мая в Крижевцях, в Хорватії, на запрошіня крижевацького єпархы – владыкы Мілана Стіпіча, одбывать ся друга стріча ґрекокатолицькых єпіскопів – наслідників Віденьского сіноду із 1773-го року і Ужгородьской унії. Стріча є резултатом договору ґрекокатолицькых єпіскопів, котры зышли ся на святкованю Віденьского сіноду минувшого року у Відню, коли было добісідовано, же єпіскопи будуть стрічати ся раз за рік і говорити о вызначных душпастырьскых темах Ґрекокатолицькой церькви Ужгородьской унії в середній і выходній Европі. Стріча почала в понедільок вечурньов у Ґрекокатолицькім катедралнім соборі Пресвятой Тройці в Крижевцях. У віторок проґрам почав архієрейсков літурґійов, по котрій наслідовали рефераты. Меджі реферуючіма быв і архієпіскоп і митрополіта гайдудороґскый кір Філіп Кочіш.

(Медвідь)