Строгы епідеміолоґічны крокы по розшыріню інфікації новым коронавірусом в бітунку на западі Німецька аплікують і в другім окресі, інформували о тім уряды сполковой країны Северне Порініе-Вестфалско. Інформувала о тім аґентура AFP. Країньскый премєр Арміт Ласхет перед тым ознамив подобны крокы в сусіднім окресі Ґытерслог, в котрім ся находить найвекшый бітунок в Німецьку, де ся інфікація од мінулого тыждня потвердила у выше 1500 з цалкового чісла 6500 робітників заводу компанії Tönnies. Обмеджіня в окресі Ґытерслог ся буде дотуляти скоро 360.000 обывателів і будуть діяти найменше до 30-го юна. (TASR, Pkf)