Секретарь Североатлантічной аліанції Єнс Столтенберґ є „екстремно знепокоєный“ з ескалації напятя по суботняйшых атаках на савдоарабскы ропны заряджіня. Єдночасно го знепокоює підпора, котру подля нього Іран дає різным терорістічным ґрупам. Выголосив то в понедільок про аґнетуру AFP почас навщівы Баґдаду. Столтенберґ остерігав вшыткых заінтересованых, же такы атакы можуть мати неґатівны наслідкы про цілый реґіон. Ґенералный секретарь НАТО в розговорі єдночасно скрітіковав і Іран, котрому Споєны штаты і Савдьска Арабія приписують одповідность за суботняйшы атакы. Тегеран є за його словами підпорьованьом терорістічных ґруп одповідный за дестабілізацію цілого реґіону.

(Медвідь, TASR)